Mjekët palestinezë dhe ekipet e shpëtimit gjetën 22 trupa të tjerë nga rrënojat në Rripin e Gazës, duke e çuar numrin e përgjithshëm të të vdekurve nga lufta gjenocidale e Izraelit që nga tetori 2023 në 48.319, tha të enjten Ministria e Shëndetësisë.
Në deklaratën e ministrisë u tha se 16 persona të plagosur u pranuan gjithashtu në spitale në 24 orët e fundit, duke e çuar numrin e të plagosurve në 111.749 në sulmet izraelite.
“Shumë viktima janë ende të bllokuar nën rrënoja dhe në rrugë pasi ekipet e shpëtimit nuk janë në gjendje të arrijnë deri tek ta” tha ministria.
Një marrëveshje armëpushimi ka qenë në fuqi në Gaza që nga 19 janari, duke ndalur luftën izraelite që ka shkaktuar shkatërrim të gjerë dhe ka lënë enklavën palestineze në gërmadha.
Pavarësisht armëpushimit, autoritetet lokale të Gazës raportuan pothuajse çdo ditë shkelje të armëpushimit nga ushtria izraelite.
Gjykata Penale Ndërkombëtare lëshoi urdhra arresti në nëntor të vitit të kaluar për kryeministrin izraelit Benjamin Netanyahu dhe ish-ministrin e tij të mbrojtjes Yoav Gallant për krime lufte dhe krime kundër njerëzimit në Gaza.
Izraeli gjithashtu përballet me një padi gjenocidi në Gjykatën Ndërkombëtare të Drejtësisë për luftën e tij në enklavë
