Fotografitë dhe pamjet që tregojnë përmasat e luftës në Ukrainë dhe që kanë mbetur thellë në kujtesë, i shohim të ripërsëritura në imazhet po aq të dhimbshme që vijnë sot nga Gaza, e cila është ekspozuar ndaj sulmeve të pamëshirshme nga Izraeli që nga 7 tetori i vitit të kaluar.
Fotoja e Olena Kurilos, e cila u plagos pas një sulmi ajror rus në Kharkiv të Ukrainës, është kthyer në një simbol të vuajtjes së civilëve ukrainas. Foto të ngjashme u regjistruan edhe në Gaza, ku shumë gra u vranë në sulmet izraelite.
Ka shumë ngjashmëri mes imazheve të regjistruara në Ukrainë dhe atyre që po shohim sot në Gaza. Një vend tjetër dhe njerëz të tjerë, por të njëjtat shkrepje që përshkruajnë dhimbjen dhe vuajtjet që kalojnë më të dobëtit, civilë, gra, fëmijë, të moshuar.
