Parisi është gati të presë Lojërat Olimpike, tha të hënën presidenti francez Emmanuel Macron gjatë një vizite në fshatin Olimpik.
Ai vuri në dukje përgatitjet e mëdha të sigurisë që janë bërë para garës dhe falënderoi forcat policore.
“Ne jemi gati dhe do të jemi gati gjatë të gjitha garave”, tha Macron.
Presidenti shprehu gjithashtu krenarinë e Francës për organizimin e Lojërave Olimpike dhe Paraolimpike dhe falënderoi të gjithë ata që morën pjesë në përgatitjet, zyrtarët, si dhe vullnetarët në fshat.
Rreth 35.000 policë dhe xhandarmëri, së bashku me 18.000 ushtarë në ditë do të vendosen për të garantuar sigurinë gjatë lojërave, njoftuan mediat lokale.
Ceremonia e hapjes do të mbahet të premten në lumin Seine.
TRT Balkan / agjencitë
