Normalizimi i marrëdhënieve me Serbinë është i vështirë, por duhet zbatuar marrëveshja bazë e arritur gjatë këtij viti në Bruksel dhe Ohër, tha sot kryeministri i Kosovës Albin Kurti në Forumin Strategjik të Bledit në Slloveni.
Në panel edhe me liderë të tjerë nga Ballkani Perëndimor, duke iu kundërpërgjigjur homologes së tij nga Serbia, Ana Bërnabiq, tha se Kosova ka vendosur sanksione ndaj Rusisë për dallim nga Serbia e cila as nuk është distancuar nga Millosheviqi dhe as nga Putini.
“Mbështetjen ndaj BE-së ne në Kosovë e kemi 94 për qind. Ne kemi vënë sanksione kundër Federatës Ruse, ndërsa Serbia jo, as e mendon. Po ashtu, nuk e distancuan veten e tyre as nga Millosheviqi dhe as nga Putini. Prandaj, nuk është e thjeshtë për ne, unë dua të normalizoj marrëdhëniet dhe kur e bëj këtë sikur të ishte Republika Çeke. Por, normalizimi i marrëdhënieve me Serbinë është shumë më i vështirë. Mund të ndodhë sepse duhet të zbatojmë traktatin bazë që presidenti i Serbisë dhe unë ishim dakord në Bruksel. Por, normalizimi nga ana psikologjike do të thotë mungesë të konfuzionit midis realitetit dhe fantazisë. Ky është një regjistër tjetër që unë nuk mund të kontribuoj fatkeqësisht”, tha Kurti.
Kurti tha se gjashtë vendet e Ballkanit Perëndimor duhet të njohin njëri-tjetrën,
ndërsa u shpreh optimist për lëvizje pozitive për njohjen e Pavarësisë së Kosovës edhe nga pesë vendet jonjohëse, anëtare të BE-së.
“Është e vërtetë se pesë vende të BE-së nuk na njohin: Greqia, Sllovakia, Qiproja (Administrata Greke e Qipros), Rumania dhe Spanja. Ne po punojmë me ta në mënyrë bilaterale nga pikëpamja diplomatike, por edhe në Bruksel. Atmosfera me të gjitha këto vende është më e mirë se më parë. Sigurisht ka disa hapa të vegjël që ne shpresojmë që sa më parë do të ndryshojnë qëndrimin e tyre dhe të jenë pjesë e vendeve evropiane që na njohin… Një mënyrë tjetër që ne përpiqemi që t’i bindim vendet që janë skeptike është nëpërmjet progresit ekonomik dhe demokratik në Kosovë, e cila është histori suksesi e dyfishtë. Ndërhyrjes së NATO-s të vitit 1999 për të ndalur gjenocidin e Jugosllavisë së Millosheviqit dhe një histori suksesi e demokracisë dhe ekonomisë që shkojnë dorë më dorë”, tha ai.
28 Gus 2023
Kurti: Të mbyllet njohja e ndërsjellë midis gjashtë vendeve të rajonit
Kurti tha se gjashtë vendet e Ballkanit Perëndimor duhet të njohin njëri-tjetrën, ndërsa u shpreh optimist për lëvizje pozitive për njohjen e Pavarësisë së Kosovës edhe nga pesë vendet jonjohëse, anëtare të BE-së.
TRT Balkan / agjencitë
Lajme të ngjashme
Kurti: Dënim maksimal për vrasësit e Liridonës dhe 14-vjeçares në Shkup
Kurti po ashtu ka kujtuar se disa prej rasteve më të rënda gjatë luftës në Kosovë kanë qenë kur forcat serbe dhunuan vajza e gra dhe në shumë raste edhe në prani të familjarëve, për çka tha se kjo dukuri duhet të zhduket përgjithmonë.
Artikujt në këtë kategori
Monumenti i simbol i pavarësisë së Kosovës "NEWBORN" merr pamje të re
"E pëlqeve apo e urreve, e deshe apo ia pate frikën, Inteligjenca Artificiale është këtu, edhe çdo ditë e më shumë po bëhet pjesë e pashmangshme e jetëve tona", ka thënë Ismaili për dizajnin e këtij viti të monumentit të pavarësisë.
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
