Me një ceremoni solemne është përkujtuar rreshteri turk i Misionit të NATO-s në Kosovë (KFOR), Hüseyin Kutlu, në 23 vjetorin e rënies së tij gjatë detyrës në territorin e Kosovës.
Në këtë ceremoni morën pjesë ministri i Mbrojtjes, Armend Mehaj, ambasadori i Türkiye-s në Kosovë, Çağrı Sakar, zëvendëskomandanti i kontingjentit turk në KFOR, Emrah Börekçi dhe ushtarë të KFOR-it në Kosovë nga kontingjente të ndryshme.
Pasi ministri Mehaj dhe ambasadori Sakar vendosën lule tek pllaka përkujtimore e Kutlu në bazën e KFOR-it në Prishtinë, të pranishmit mbajtën edhe një minutë heshtje.
Në fjalën e tij, zëvendëskomandanti i kontingjentit turk në KFOR, Emrah Börekçi, tha se ndihet i nderuar për pjesëmarrjen në ceremoninë e përkujtimit të rreshterit turk, i cili sakrifikoi jetën e tij për këtë tokë.
“Siç bëmë sot, jam krenar të theksoj se edhe në të ardhmen Kutlu do të kujtohet për përkushtimin e tij ndaj këtij jo vetëm nga populli turk, por edhe nga ushtarët e KFOR-it dhe populli i Kosovës”, theksoi Börekçi.
Ambasadori i Türkiye-s në Kosovë, Çağrı Sakar, tha se prezenca e KFOR-it në Kosovë që nga viti 1999 ka qenë mjaft e rëndësishme dhe këtu kanë kontribuuar edhe ushtarët turq që nga fillimi.
“Do të doja ta nderoja dhe ta kujtoja për këtë sakrificën e tij. Ushtari Hüseyin Kultu do të vlerësohet gjithmonë si një kontribuues i madh në shërbimin e KFOR-it, si një anëtar udhëheqës në NATO duke qëndruar plotësisht për promovimin e paqes dhe stabilitetit në Kosovë”, theksoi Sakar.
Kultu lindi në vitin 1963 në Eskişehir të Türkiye-s. Pasi u diplomua si rreshter shtabi nga Komanda e Shkollave Teknike të Forcave Ajrore Turke në vitin 1982, ai shërbeu në bazat kryesore të avionëve gjatë periudhës 1982 dhe 1994.
Më 7 korrik 1999 ai u caktua në Task Forcën e KFOR-it si shef i ekipit për asgjësimin e mjeteve shpërthyese në Dragash të rajonit të Prizrenit, ku më 22 shtator 1999 pas shpërthimit të një mortaje të luftës, derisa përpiqej ta çaktivizonte atë, ra dëshmor.
Kutlu ishte i martuar dhe la dy fëmijë. Familja e tij jeton në Eskişehir.
22 Sht 2022
Përkujtohet Hüseyin Kutlu, ushtari turk i KFOR-it që ra dëshmor në Kosovë
Më 7 korrik 1999 Hüseyin Kutlu u caktua në Task Forcën e KFOR-it si shef i ekipit për asgjësimin e mjeteve shpërthyese në Dragash të rajonit të Prizrenit, ku më 22 shtator 1999 pas shpërthimit të një mortaje të luftës ra dëshmor.
AA
Lajme të ngjashme
Kurti: Dënim maksimal për vrasësit e Liridonës dhe 14-vjeçares në Shkup
Kurti po ashtu ka kujtuar se disa prej rasteve më të rënda gjatë luftës në Kosovë kanë qenë kur forcat serbe dhunuan vajza e gra dhe në shumë raste edhe në prani të familjarëve, për çka tha se kjo dukuri duhet të zhduket përgjithmonë.
Artikujt në këtë kategori
Monumenti i simbol i pavarësisë së Kosovës "NEWBORN" merr pamje të re
"E pëlqeve apo e urreve, e deshe apo ia pate frikën, Inteligjenca Artificiale është këtu, edhe çdo ditë e më shumë po bëhet pjesë e pashmangshme e jetëve tona", ka thënë Ismaili për dizajnin e këtij viti të monumentit të pavarësisë.
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
