Dy shtetas të Kosovës, me përkatësi etnike serbë, u plagosën pasditen e sotme në fshatin Drajkovc të Shtërpcës. Të plagosurit, njëri 31-vjeçar dhe tjetri 11-vjeçar, morën lëndime nga armë zjarri nga një makinë në lëvizje.
Policia e Kosovës njoftoi se një i dyshuar është nën arrest lidhur me të shtënat në afërsi të Shtërpcës.
"Policia Rajonale e Ferizajt, pas një pune intenzive hetimore, grumbullimit të informacioneve në terren kanë identifikuar e më pas kanë arrestuar të dyshuarin A.K (mashkull, shtetas i Kosovës) i moshës 33-vjeçare", njofton Policia e Kosovës.
Ndërkohë, sipas komunikatës paraprake të policisë, të lënduarit janë jashtë rrezikut për jetë.
"Dy të lënduarit për ndihmë mjekësore janë dërguar në Qendrën e Mjekësisë Familjare në Shtërpcë dhe pas marrjes së ndihmës së parë në Shtërpcë, për tretman të mëtutjeshme mjekësor janë dërguar me autoambulancë për në Graçanicë. Të dy të plagosurit, nga informacionet që kemi, janë jashtë rrezikut për jetë", thotë Policia e Kosovës.
Pas incidentit, serbët lokalë kishin bllokuar rrugën që çon drejt Shtërpcës, duke kërkuar kapjen e autorit.
6 Jan 2023
Plagosen dy serbë në Kosovë, kapet autori i dyshuar
Policia e Kosovës njoftoi se ka kapur një të dyshuar lidhur me këtë rast dhe se të lënduarit janë jashtë rrezikut për jetë.
TRT Balkan
Lajme të ngjashme
Artikujt në këtë kategori
Kosovë, gjenden armë dhe municione në zonën ku jetojnë komunitetet serbe
Policia e Kosovës ka njoftuar se në veri të Kosovës, Zveçan, janë sekuestruar një numër i madh armësh, municionesh dhe uniformash ushtarake. Dyshohet se mund të jenë të lidhura me sulmin në Banjska, që përfundoi me vdekjen e katër personave.
Ligji për gjuhët në Maqedoninë e Veriut, Kurti: Të merret vendim i drejtë
Gjykata Kushtetuese në Maqedoninë e Veriut duhet të marrë vendim të drejtë për Ligjin për Gjuhët “ku s’ka diskriminim dhe as përjashtime për shqiptarët”, u shpreh kryeministri kosovar Albin Kurti, duke shtuar se gjuha shqipe tanimë po rrezikohet.
Çfarë tjetër do të donit të dinit?
Popullore
