Ministria e Shëndetësisë në Gaza njoftoi se ushtria izraelite e ka shndërruar Spitalin Al-Awda në pjesën veriore të Rripit të Gazës në një "kazermë ushtarake".
Në një deklaratë, zëdhënësi i ministrisë Ashraf al-Qudra tha se ushtria izraelite po mban 240 palestinezë, duke përfshirë 80 staf mjekësor, 40 pacientë dhe 120 persona të zhvendosur brenda spitalit.
Ai tha gjithashtu se palestinezët brenda spitalit kanë mbetur pa ujë, ushqim dhe ilaçe, duke shtuar se ushtria izraelite pengon lëvizjen midis njësive spitalore.
Al-Qudra tha se forcat izraelite kanë arrestuar gjashtë persona të stafit mjekësor, duke përfshirë Ahmed Muhanna, drejtorin e spitalit, si dhe një pacient.
Izraeli ka bombarduar Rripin e Gazës nga ajri dhe toka, ka vendosur një bllokadë dhe ka ndërmarrë një ofensivë tokësore si hakmarrje për sulmin ndërkufitar nga Hamasi më 7 tetor.
Të paktën 19.453 palestinezë janë vrarë që atëherë dhe 52.286 janë plagosur në sulmin izraelit, sipas autoriteteve shëndetësore të Gazës.
