Altun: Makina greke e lajmeve të rreme është kthyer në punë

Ministri i Emigracionit dhe Azilit i Greqisë, i cili duket se e ka ngatërruar Türkiyen me vendin e tij, ka tentuar të hedhë dyshime mbi vendin tonë duke shpërndarë informacione të rreme, shkruan në Twitter, shefi i Kryesisë së Komunikimeve pranë Presidencës së Türkiye-s, Fahrettin Altun dhe shton se makina greke e lajmeve të rreme është kthyer në punë. "Me këto përpjekje të kota dhe qesharake, Greqia i ka treguar edhe një herë mbarë botës se nuk respekton dinjitetin e refugjatëve duke postuar fotot e këtyre njerëzve të shtypur që ka deportuar pas zhvatjes së pasurisë së tyre personale", shkruan Altun. Sipas tij, autoritetet greke duhet së pari të japin llogari për foshnjat që u mbyten në Egje, si dhe njerëzit që i zhveshën lakuriq, i rrahën me rripa dhe i lanë të ngrijnë deri në vdekje në Maritsa, nëpërmjet bashkëpunimit të tyre me Frontex. Mes tjerash ai i ka bërrë thirrje Greqisë që të heqë dorë nga trajtimi i ashpër ndaj refugjatëve sa më shpejt të jetë e mundur, të pushojë akuzat e pabaza dhe të rreme kundër Türkiye-s dhe të tregojë dinjitetin e qeverisë.