Në lindjen e largët të Türkiyes, në Van përfundoi ndërtimi i murit të sigurisë i gjatë 170 kilometra i ngritur në kufirin me Iranin, qëllimi i të cilit është parandalimi i kalimeve të paligjshme, kontrabandës dhe infiltrimit të terroristëve.
Puna vazhdon për ndërtimin e një muri sigurie dhe një post vëzhgimi që synon sigurimin e vijës kufitare 295 kilometra të gjatë me Iranin fqinj.
Deri më tani, një mur sigurie është ndërtuar përgjatë një seksioni prej 170 kilometrash dhe vazhdon puna për të parandaluar kalimin e emigrantëve të paligjshëm drejt Türkiyes nëpërmjet Iranit.
Ekipet e Komandës së Batalionit Special të Kërkimit dhe Largimit të Minave të Komandës së Xhandarmërisë së Ankarasë po pastrojnë minat në kufi, në mënyrë që punimet e ndërtimit të murit të kryhen më të sigurta.
Pas kësaj, blloqet e betonit shtrohen me makina pune në vijën kufitare të përgatitur më parë.
Për të parandaluar plotësisht kalimin e paligjshëm të kufirit, para murit të sigurisë u hap një hendek katër metra i gjerë dhe po aq i thellë.
Deri më tani janë hapur 346 kilometra llogore përgjatë vijës kufitare, disa vende në dy rreshta. Janë përfunduar 74 nga 103 kullat elektro-optike në kufi, përfshirë të gjithë komunikimin dhe mbikëqyrjen, si dhe është duke u bërë instalimi i linjave të transmetimit.
Me përfundimin e ndërtimit të të 210 kullave në një periudhë të shkurtër kohore, është planifikuar që vija kufitare të mbahet nën kontroll të vazhdueshëm.
Dy dhe tre rreshta tela me gjemba janë instaluar në një seksion 154 kilometra të murit të sigurisë 170 kilometra, ndërtimi i të cilit ka përfunduar.
Masat e sigurisë janë në nivel të lartë për të parandaluar kalimin e kufirit, kontrabandën dhe infiltrimin e terroristëve të paligjshëm.
Forcat e sigurisë përdorin të gjitha mundësitë e teknologjisë, kamerën termike Sahinoz të zhvilluar nga ASELSAN me burime vendase dhe kombëtare dhe e cila është e aftë të zbulojë nga një distancë prej 10 kilometrash, më pas sistemin e radarit ACAR Land Surveillance i cili është i aftë të zbulojë nga një distancë prej 40 kilometrash, sistemi SEDA Shot Site Detection, kamera termike dhe PTZ, sistem ndriçimi dhe kamera sizmike që përdorin sensorë për të mbajtur kufirin nën kontroll të vazhdueshëm.
