"Gjenocidi i harruar përsëritet", thoshte i ndjeri Alija Izetbegoviq. Me këtë thënie kreu i Drejtorisë së Komunikimeve të Türkiyes, Fahrettin Altun, e përkujtoi 11 korrikun - Ditën e Gjenocidit në Srebrenicë të Bosnjë e Herecgovinës, të kryer 29 vjet më parë.
“11 Korriku” është një nga kapitujt më të dhimbshëm në historinë moderne që ende nuk është mbyllur, shkruan kreu i Drejtorisë së Komunikimeve të Türkiyes, Fahrettin Altun. "Gjenocidi i harruar përsëritet", thoshte i ndjeri Alija Izetbegoviq.
“Agonia e gjenocidit të Srebrenicës, e shënuar si tragjedia më e madhe njerëzore në Evropë që nga Lufta e Dytë Botërore, ende mbërthen zemrat tona edhe pas 29 vitesh të gjata”, shprehet Altun.
Tragjeditë duhet të shërbejnë si mësime për mbarë njerëzimin, thekson ai. “Në mes të gjenocidit të pamëshirshëm që po shpaloset në Gaza, ka mësime të vlefshme për të gjithë për të mësuar nga Srebrenica, duke na nxitur të përpiqemi për një botë të jetueshme ku dinjiteti njerëzor vlerësohet dhe ruhet”, thotë Altun.
Në Srebrenicë, sipas tij, një gjenocid i tmerrshëm u shpalos para syve të gjithë botës në një zonë të caktuar si një "zonë e sigurt" nga OKB-ja.
Altun shton se Ratko Mlladiq, i skalitur në histori si "Kasapi i Bosnjës", si ata që përjetësojnë gjenocidin në Gaza sot, u verbua tragjikisht nga ideologjia dhe injoroi lutjet e arsyes, sensit të shëndoshë dhe ndërgjegjes.
“Nëse njerëzimi do të kishte mësuar vërtet nga ngjarjet e tmerrshme në Srebrenicë, ku mbi 8.000 njerëz u vranë vetëm për shkak të identitetit dhe besimit të tyre pa bërë asnjë dallim midis të rinjve dhe të moshuarve, gjenocidi në Gaza nuk do të kishte ndodhur sot”, thotë Altun.
Së fundmi, me mbështetjen e kombit turk, Altun theksoi se Asambleja e Përgjithshme e OKB-së miratoi Rezolutën e Gjenocidit të Srebrenicës. “Kjo rezolutë urdhëron që Srebrenica t'u mësohet brezave të rinj në mbarë botën si mësim”, shprehet ai.
Një qarkore e nënshkruar nga presidenti Recep Tayyip Erdoğan cakton 11 korrikun në Türkiye si “Ditën Ndërkombëtare të Reflektimit dhe Përkujtimit të Gjenocidit të Srebrenicës”.
“Kjo ditë synon të ndajë dhimbjen e thellë dhe të dënojë gjenocidin dhe krimet kundër njerëzimit. Shpresojmë që kjo ngjarje tragjike të thellojë ndërgjegjen dhe vetëdijen e njerëzimit dhe të zgjojë ndërgjegjet e fjetura për gjenocidin që po shpaloset në Gaza para syve të gjithë botës”, tha ai.
Sot në Srebnirecë, trupat e 14 viktimave të tjera do të prehen në funeralin masiv të këtij viti. Unë lutem për mëshirën e Allahut mbi viktimat e Luftës së Bosnjës që u masakruan në gjithë Bosnjën e Hercegovinën vëllazërore, veçanërisht ata që duruan gjenocidin në Srebrenicë, të gjithë dëshmorët boshnjakë dhe Alija Izetbegoviq, presidenti i parë i Bosnjës e Hercegovinës së Pavarur, i cili i tregoi botës se edhe lufta ka etikën e saj. U prefshin në paqe dhe të dashurit e tyre gjetshin ngushëllim”, shkruan Altun.
