Avioni i linjës ajrore izraelite El Al, i cili po fluturonte nga Varshava për në Tel Aviv, ka bërë ulje emergjente në aeroportin e Antalias mbrëmë.
Pasi u njoftua në mediat izraelite se zyrtarët e aeroportit në Antalia “refuzuan të siguronin karburant për aeroplanin e kompanisë izraelite”, burime diplomatike thanë se pretendime të tilla nuk janë të vërteta.
"Aeroplani u lejua të bënte një ulje emergjente për shkak të një pasagjeri të sëmurë. Aeroplanit duhej t'i jepej karburant, por ndërsa procedura ishte afër fundit, piloti vendosi të largohej nga aeroporti me dëshirën e tij të lirë", thanë burime diplomatike.
Disa raporte në mediat izraelite pretenduan se zyrtarët e aeroportit të Antalias refuzuan të furnizonin me karburant avionin sepse ishte një linjë ajrore me bazë izraelite që fluturonte nga Varshava në Tel Aviv.
