Përderisa mërgimtarët turq në diasporë ende votojnë në rrethin e dytë të zgjedhjeve presidenciale Türkiye, Këshilli Lartë Zgjedhor ka njoftuar se në misionet e huaja dhe portat doganore deri më tani kanë votuar 1,4 milion mërgimtarë.
Votimi nga turqit që jetojnë jashtë për zgjedhjet presidenciale të 28 majit në Türkiye, vazhdon deri më 24 maj. Ndërsa procesi i votimit në portat doganore do të vazhdojë deri më 28 maj në orën 17:00.
Që nga fillimi i votimit jashtë shtetit të shtunën, 1.466.452 votues kanë votuar, sipas Këshillit të Lartë Zgjedhor (YSK).
Votat e hedhura në Estoni, Serbi, Mal të Zi, Lituani, Bosnjë e Hercegovinë dhe Poloni u dërguan në Türkiye.
Miliona votues shkuan në kutitë e votimit më 14 maj për të zgjedhur presidentin e vendit dhe anëtarët e parlamentit të tij prej 600 vendesh.
Aleanca e Popullit e Presidentit Recep Tayyip Erdoğan fitoi shumicën në parlament, ndërsa gara presidenciale po shkon në një raund të dytë.
Në raundin e parë asnjë kandidat nuk fitoi një shumicë të plotë, megjithëse Erdoğan kryesonte.
Erdoğan do të përballet me Kemal Kilicdaroglun, kreun e opozitës kryesore, Partia Popullore Republikane (CHP) dhe kandidati i përbashkët për Aleancën e Kombit, në përbërje prej gjashtë partish opozitare, në votimin e balotazhit.
