Tifozët e klubit të futbollit të Istanbulit, Beşiktaş, hodhën mijëra lodra të mbushura në fushë të dielën në shenjë solidariteti me fëmijët që u prekën nga tërmetet shkatërruese të 6 shkurtit në Türkiye.
Ndeshja e së dielës midis Beşiktaşit dhe Fraport TAV Antalyaspor në Vodafone Park të Istanbulit u ndërpre në momentin 4 minuta e 17 sekonda pas fillimit në kujtim të tërmetit fillestar, i cili goditi në orën 4:17 të mëngjesit me orën lokale (0117 GMT), hodhën mijëra lodra të mbushura në fushë të dielën në shenjë solidariteti me fëmijët që u prekën nga tërmetet shkatërruese të 6 shkurtit në Türkiye.
Pas tërmeteve të mëdha, tifozëria e futbollit të Istanbulit nisi një fushatë duke u kërkuar tifozëve të sjellin lodra të mbushura në terrenin e Beşiktaşit, Vodafone Park.
Lodrat do t'u dhurohen fëmijëve në rajonet e goditura nga tërmeti.
Në tabelën e rezultateve në stadium u ndezën kodet e targave të 11 provincave turke të tronditura nga tërmetet.
Futbollistët e të dyja klubeve, përfshirë ata në karriget zëvendësuese, dolën vullnetarë për të hequr lodrat nga fusha më pastaj.
Të paktën 44.374 njerëz kanë humbur jetën nga dy tërmete të forta që goditën Türkiyen jugore më 6 shkurt, tha të dielën një zyrtar nga agjencia e fatkeqësive e vendit.
Tërmetet me magnitudë 7,7 dhe 7,6 ballë, me epiqendër në provincën Kahramanmaraş, prekën më shumë se 13 milionë njerëz në 11 provincat: Adana, Adiyaman, Diyarbakir, Gaziantep, Hatay, Kilis, Malatya, Osmaniye, Elazig dhe Sanliurfa.
Më shumë se 13 milionë njerëz janë prekur nga tërmetet shkatërruese.
Disa vende në rajon, përfshirë Sirinë dhe Libanin, gjithashtu ndien lëkundjet e forta që goditën Türkiyen në më pak se 10 orë.
Pikët u ndanë pas barazimit pa gola
Tifozët e Beşiktaşit u mërzitën pasi Shqiponjat e Zeza u penguan në barazim 0-0 me Antalyaspor në ndeshjen e Super Ligës së Türkiyes.
Ndeshja Beşiktaş-Antalyaspor e javës së 14-të u shty më parë për shkak të bombardimeve në Istanbul të vitit 2022. Më 13 nëntor 2022, grupi terrorist YPG/PKK kreu një sulm në rrugën e mbushur me njerëz Istiklal të Istanbulit që la gjashtë persona të vdekur dhe 81 të tjerë të lënduar.
Të dielën, Beşiktaşi shënoi golin e parë në minutën e 80-të, por goli i Tajip Talha Sanuc u anulua pas rishikimit të VAR-it, duke qenë se doli se ai u godit me dorë.
Pranë fundit të ndeshjes, Beşiktaşit iu dha një penallti pasi Cenk Tosun u rrëzua në zonë. Por, portieri i mysafirëve Ataberk Dadakdeniz priti penalltinë e tij.
Pikët u ndanë pasi ndeshja përfundoi 0-0.
Beşiktaş ka 40 pikë në 22 ndeshje për të dalë në vendin e tretë në renditjen e Super Ligës.
Antalyaspor, e cila ndodhet në vendin e 12-të, ka 25 pikë në tabelën e ligës.
Fenerbahçe e vendit të dytë ka grumbulluar 48 pikë. Galatasaray është lider me 54 pikë.
