Politika e jashtme e Türkiye-s, është sipërmarrëse dhe humanitare, e jo dogmatike apo joparimore, dhe ka ndihmuar në zbutjen e kërcënimit të krizës globale ushqimore, është shprehur ministri i Punëve të Jashtme i Türkiye-s, Mevlüt Çavuşoğlu, në Konferencën e 13-të të Ambasadorëve në Ankara,
Sipas tij, kriza në Ukrainë ka treguar edhe një herë vlerën e Türkiye-s.
Kryepdiplomati turk mes tjerash tha se Ankaraja pret që aleatët e saj të jenë "më miqësorë, më aktivë, më pak kritikë dhe të marrin përgjegjësi".
Operacionet ndërkufitare të Türkiye-s, siç deklaroi Çavuşoğlu po përparojnë me mbështetje efektive diplomatike, duke theksuar se ato kanë "rëndësi të madhe" për integritetin territorial të Sirisë dhe Irakut.
Lufta kundër terrorizmit është një "vijë e kuqe" për Türkiye-n, pohoi Çavuşoğlu, duke shtuar se Ankaraja pret që autoritetet irakiane të ndërmarrin veprime konkrete kundër grupit terrorist PKK.
Derisa kjo të ndodhë, ai u shpreh se Türkiye do të vazhdojë të marrë masa për të mbrojtur sigurinë e saj kombëtare.
“Türkiye shpreson që ndjeshmëritë e saj në luftën kundër terrorizmit të kuptohen mirë nga bota”, tha Çavuşoğlu.
Ai kritikoi gjithashtu SHBA-në se nuk ka ndërmarrë “hapa të kënaqshëm” kundër grupeve terroriste PKK/PYD/YPG dhe FETO, si dhe për sanksionet e njëanshme kundër Türkiye-s.
Türkiye ka kritikuar prej kohësh mbështetjen e SHBA-së për terroristët e YPG/PKK-së.
Përderisa SHBA-ja pretendon se po lufton grupin terrorist DEASH me ndihmën e aleatëve të saj YPG/PKK, Türkiye thotë se nuk ka kuptim përdorimi i një grupi terrorist për të luftuar një tjetër grup terrorist.
Türkiye është Evropë
Sa i përket objektivit të Türkiye-s për anëtarësimin në BE, Çavuşoğlu ripohoi angazhimin e Ankarasë dhe tha se vendi "do të ndjekë politika konstruktive për të përmirësuar bashkëpunimin dhe dialogun në të gjitha fushat".
“Türkiye është Evropë”, tha ai, duke theksuar përgjegjësinë e Ankarasë për të garantuar sigurinë e Evropës.
Duke trajtuar situatën në Mesdheun Lindor dhe Egje, kryediplomati turk tha se Türkiye dëshiron që "çështjet e ndërlidhura" të adresohen dhe zgjidhen "në mënyrë gjithëpërfshirëse në përputhje me të drejtën ndërkombëtare".
“Greqia, megjithatë, nuk ka vullnet për të zgjidhur këto çështje”, tha ai.
Duke folur për përshkallëzimin e fundit midis Armenisë dhe Azerbajxhanit, ai përsëriti se Türkiye "paralajmëron edhe një herë Armeninë që të mos përfshihet në provokime të reja".
Kur Azerbajxhani çliroi territorin në Karabak që ishte i pushtuar nga Armenia për gati tre dekada gjatë konfliktit në vjeshtën e vitit 2020, Çavuşoğlu tha se Türkiye favorizonte drejtësinë dhe mbështeti anën e drejtë dhe të vërtetë.
Kryediplomati turk dënoi gjithashtu valën e re të sulmeve izraelite në Gaza, duke thënë se nuk mund të ketë asnjë justifikim për vrasjen e njerëzve të pafajshëm, veçanërisht të një fëmije 5-vjeçar.
8 Gus 2022
Çavuşoğlu: Në kohë të krizës globale Türkiye e tregoi vlerën e saj
Konferenca e 13-të e ambasadorëve u zhvillua në Ankara
AA
Lajme të ngjashme
Artikujt në këtë kategori
Türkiye: Izraeli dhe Irani të shmangin hapat që çojnë drejt konfliktit
"Ekziston rreziku që tensioni që filloi me sulmin e Izraelit ndaj ambasadës iraniane në Damask, në kundërshtim me të drejtën ndërkombëtare, mund të kthehet në një konflikt të përhershëm, shkruan në deklaratën e MPJ-së së Türkiyes.
Çfarë tjetër do të donit të dinit?
Popullore