Departamenti Amerikan i Shtetit të martën njoftoi se presidenti Joe Biden, duke përshëndetur vendimin e Parlamentit turk për miratimin e ligjit që Suedia t’i bashkohet Aleancës Veri-Atlantike NATO, tha se kishte mbështetur tashmë qartësisht modernizimin e flotës turke me avionët F-16.
Një zëdhënës i Departamentit të Shtetit tha për Anadolu se ShBA-ja po pret me padurim të marrë instrumentin e ratifikimit të Turkiyes në Uashington.
"Si një partner shumë i aftë i mbrojtjes, pranimi i shpejtë i Suedisë në NATO do të forcojë aleancën", tha zëdhënësi.
I pyetur se kur Departamenti i Shtetit do të fillojë t'i shesë Türkiyes avionë luftarakë F-16, zëdhënësi tha: "Presidenti Biden ka qenë prej kohësh i qartë se ai mbështet modernizimin e flotës turke F-16, që është një investim në ndërveprimin e NATO-s".
“Kjo shitje e propozuar do të mbështesë interesat e sigurisë kombëtare të Shteteve të Bashkuara, Türkiyes dhe të gjithë aleatëve të NATO-s. Kongresi ka një rol kyç në shqyrtimin e shitjeve të armëve dhe disa anëtarë të Kongresit kanë thënë publikisht se miratimi i kërkesës së Suedisë për t'u bashkuar me NATO-n është vendimtare përpara se të mbështesin shitjen e F-16", shtoi zëdhënësi.
Pas diskutimit të projektligjit për miratimin e protokollit të anëtarësimit të Suedisë në NATO në parlamentin turk, projektligji u miratua nga 287 nga 346 deputetë që morën pjesë në votim, ndërsa 55 deputetë votuan “kundër” dhe katër ishin "abstenime".
Finlanda dhe Suedia, të dyja vendet nordike afër ose në kufi me Rusinë, aplikuan për anëtarësim në NATO menjëherë pasi Rusia filloi luftën e saj kundër Ukrainës në shkurt 2022.
Finlanda u bë aleati i 31-të i NATO-s në mars të vitit 2023 pas miratimit të të gjitha parlamenteve të vendeve anëtare të aleancës.
Türkiye po kërkon të blejë aeroplanët e modelit më të fundit F-16 Block 70 nga ShBA-ja, si dhe 79 komplete modernizimi për të përmirësuar F-16 e mbetura në nivelin e Bloc 70.
