Numri i të vdekurve nga tërmetet shkatërruese në Türkiyen jugore është rritur në 39.672, tha ministri i Brendshëm turk Soylu.
Mbi 38,000 të vdekur nga tërmetet e forta binjake në Türkiyen jugore
Të paktën 38,044 njerëz humbën jetën në dy tërmete të forta që goditën Türkiyen jugore më 6 shkurt, njoftoi Agjencia e Fatkeqësive dhe Emergjencave(AFAD).
Më shumë se 264,389 personel janë duke punuar aktualisht në terren, tha në një deklaratë Presidenca e Menaxhimit të Fatkeqësive dhe Emergjencave të Türkiyes (AFAD).
Sipas AFAD, deri më tani janë evakuuar pothuajse 38,044 persona nga rajonet e prekura nga tërmeti.
Ngushëllime dhe solidaritet u shprehën nga e gjithë bota, me shumë vende që dërguan ekipe shpëtimi dhe ndihmë. Gjithsej 5,753 personel të huaj nga 67 vende janë duke punuar aktualisht në zonën e fatkeqësisë, tha të premten ministria e jashtme e vendit.
08:40 Antakya, dy qytetarë mbijetuan 261 orë nën gërmadhat e ndërtesave
Nga rrënojat e një ndërtese në rajonin qendror Antakya në qytetin Hatay dy persona janë shpëtuar të gjallë 261 orë pas tërmetit.
Ekipet që kryenin punime nën rrënojat e një spitali privat në lagjen Odabaşı përcaktuan se dy persona ishin gjallë. Pas punimeve ku u përfshinë edhe forcat e policisë së operacioneve speciale, u shpëtuan 26-vjeçari Mehmet Ali Şakiroğlu dhe 34-vjeçari Mustafa Avcı. Të mbijetuarit Şakiroğlu dhe Avcı u dërguan në spital për trajtim mjekësor.
Organizata e Kombeve të Bashkuara apelon për më shumë se 1 miliard dollarë fonde për operacionin e ndihmës në Türkiye, vetëm dy ditë pasi nisi një apel prej 400 milionë dollarësh për sirianët pas tërmeteve masive që goditën të dyja vendet, ku humbën jetën pothuajse 44.000 njerëz.
Agjencitë ndërkombëtare të ndihmës po shtojnë përpjekjet për të ndihmuar miliona njerëz të pastrehë, shumë prej të cilëve flenë në tenda, xhami, shkolla ose makina, 12 ditë pas një tërmeti masiv që goditi Türkiyen dhe Sirinë.
Në ditën e 12-të të fatkeqësisë, numri i të vdekurve në Türkiye u rrit në 38.044, duke e bërë atë fatkeqësinë më vdekjeprurëse në vend në 100 vjet.
Numri në Siri ka arritur në 5.814, duke e çuar numrin e përgjithshëm të vdekjeve në të dyja vendet në 43.858.
