12:55 OBI-ja me thirrje për bashkëpunim të afërt me Türkiyen kundër efekteve të tërmetit
Taha vizitoi rrethet Nurdağı dhe İslahiye të provincës Gaziantep, të ndikuara nga tërmeti me epiqendër në Kahramanmaraş, ku mori informacione nga zyrtarët dhe u uroi të kaluara të prekurve të tërmetit.
Duke folur për Anadolun, Taha tha se "Pasi mësuam tërmetin e kësaj madhësie në Türkiye menjëherë u mobilizuam si OBI. Taha theksoi se kanë kontaktuar menjëherë me vendet anëtare për këtë temë, duke shtuar se kanë bërë gjithçka të mundur si OBI që Türkiye të tejkalojë efektet e tërmetit të quajtur si "fatkeqësia e shekullit" dhe për të mbështetur popullin turk.
Ai bëri të ditur se vendet anëtare të OBI-së, përfshirë Arabinë Saudite, Katarin dhe Kuvajtin kanë shkuar në ndihmë një nga një, ndërsa në organizatë është ngritur një njësi e veçantë për koordinimin e ndihmave. Sipas tij, nevojitet një solidaritet i madh për të shëruar plagët e tërmeteve që shkaktuan një rrënim të madh.
23 SHKURT
Numri i personave të kanë humbur jetën nga tërmetet e 6 shkurtit në jug të Türkiye është rritur në 43.556, njoftoi ministri i Punëve të Brendshëm i Türkiye, Süleyman Soylu.
Tërmetet me magnitudë 7,7 dhe 7,6 ballë sipas shkallës së Rihterit, me qendër në provincën në Kahramanmaraş, goditën pjesët jugore të Türkiyes më 6 shkurt, duke shkatërruar mijëra ndërtesa dhe duke prekur më shumë se 13 milionë njerëz. Së fundmi edhe shkencëtarët nga Universiteti Teknik i Istanbulit (ITU) kanë publikuar një raport hetimor paraprak mbi tërmetet e 6 shkurtit, duke thënë se në një zonë pranë epiqendrës së tërmetit, toka u zhvendos deri në 4,7 metra.
ITU-ja paralajmëruan se do të publikojnë një raport tjetër të katastrofës pasi të bëhet një analizë e plotë.
