Një ekspozitë artizanale e titulluar "Gaza në zemrën time" u mbajt në distriktin qendror Seyhan të qytetit turk Adana, duke paraqitur produkte artizanale të përgatitura nga nxënësit.
Ekspozita në shkollën e mesme Şehit Yunus Uğur përfshin 50 produkte të dizajnuara nga Qendra Rinore Seyhan dhe nxënësit e shkollës së mesme Kıvanç Anadolu Imam Hatip, duke përdorur teknika të ndryshme.
Në hapjen e ekspozitës me temë "Gaza në zemrën time", guvernatori i distriktit Seyhan, Ekrem Inci, tha se Izraeli ka shkelur rregullat e të drejtave të njeriut dhe ligjin ndërkombëtar, duke masakruar mijëra njerëz të shtypur në Palestinë.
Drejtori provincial i Arsimit Kombëtar, Hasan Tevke, gjithashtu foli mbi sulmet në vazhdim e sipër të Izraelit kundër civilëve palestinezë.
Pas fjalimeve u lexua Kurani dhe u bënë lutje për ata që humbën jetën në Gaza.
Pjesëmarrësit vizituan ekspozitën dhe shqyrtuan punimet e bëra nga nxënësit.
