Presidenti turk, Recep Tayyip Erdoğan, ka kritikuar kërkesën e kryeministrit grek për ndihmë nga SHBA-ja kundër Türkiye-s, duke theksuar se "ne do të vazhdojmë të bëjmë atë që është e nevojshme".
Duke folur në një ngjarje në kryeqytetin Ankara, presidenti turk theksoi politikën e Athinës për kthimin e paligjshëm të emigrantëve.
Duke kujtuar përpjekjet e Türkiye-s për të shpëtuar emigrantët në Detin Egje pasi Greqia i la ata të vdesin, Erdoğan theksoi se bota mbetet e heshtur për këtë çështje.
Grupet e të drejtave të njeriut dhe organet e medias shpesh kanë raportuar për kthimin e paligjshëm dhe shkelje të tjera të të drejtave të njeriut nga autoritetet greke.
Ankaraja dhe grupet globale të të drejtave në mënyrë të përsëritur kanë dënuar praktikën e paligjshme të Greqisë për largimin e azilkërkuesve, duke theksuar se ajo shkel vlerat humanitare dhe ligjin ndërkombëtar duke rrezikuat jetën e emigrantëve të cenueshëm, përfshirë gra dhe fëmijë.
Presidenti turk gjithashtu përmendi një deklaratë të fundit të kryeministrit grek, Kyriakos Mitsotakis, për të kërkuar mbështetje kundër Türkiye-s, duke theksuar se Ankaraja do të vazhdojë ta bëjë atë që është e nevojshme.
"Kryeministri grek kërkon ndihmën nga SHBA-ja. Për çfarë kërkon ndihmë? Kundër Türkiye-s. Çfarëdo që bëni ju, ne do të bëjmë gjithmonë atë që është e nevojshme. Ne jemi të gatshëm ta bëjmë", tha presidenti Erdoğan.
Më 28 shtator, shumë media, duke cituar kryeministrin grek, thanë se Greqia ka besim në mbështetjen e SHBA-së dhe Bashkimin Evropian (BE) kundër Türkiye-s.
5 Tet 2022
Erdoğan kritikon kryeministrin grek për mbështetje "kundër Türkiye-s"
Ankaraja dhe grupet globale të të drejtave në mënyrë të përsëritur kanë dënuar praktikën e paligjshme të Greqisë për largimin e azilkërkuesve, duke theksuar se ajo shkel vlerat humanitare dhe ligjin ndërkombëtar.
AA
Lajme të ngjashme
Artikujt në këtë kategori
Erdoğan: Bota e pa se si një vrasës u duartrokit në Kongresin Amerikan
“Që nga 7 tetori njerëzit e shohin nga larg vrasjen e fëmijëve, grave dhe foshnjave në inkubatorë, sikur po shikojnë ndonjë film. Netanyahu, vrasësi i tyre, duartrokitet në Amerikë, a mund të kuptohet diçka e tillë ?”, pyeti presidenti turk Erdoğan.
Altun: Dënoj ashpër sulmin e Izraelit kundër ekipit të TRT News
“Me gjithë presionin dhe dhunën e kësaj tufe vrasëse çnjerëzore, media turke, veçanërisht TRT dhe Anadolu Agency, do të vazhdojnë të bëjnë të dëgjohet zëri i popullit të shtypur palestinez”, ka reaguar Altun për sulmit izraelit ndaj ekipit të TRT-së.
Çfarë tjetër do të donit të dinit?
Popullore