Presidenti i Türkiyes, Recep Tayyip Erdoğan, ka thënë se Partia e tij në pushtet AK do të heqë qafe kushtetutën e bërë pas grushtit të shtetit të vitit 1980 dhe do të propozojë një të re në parlament si pjesë e vizionit të ri të partisë.
Duke folur në ngjarjen "The Century of Türkiye" të premten në kryeqytetin Ankara, Erdoğan përshëndeti rritjen e vendit të sjellë nga partia e tij gjatë dy dekadave të fundit.
"Ne e sollëm reputacionin e Türkiyes në nivelin më të lartë me politikën tonë të jashtme”, tha Erdoğan, duke shtuar se partia e tij kërkon të ndërtojë shekullin e ardhshëm me rininë e Türkiyes.
Duke renditur arritjet e shumta të qeverisë, Erdoğan tha se ofrojnë kujdes shëndetësor dhe arsim cilësor falas për qytetarët tanë,
“Mbështesim pleqtë që duhet të mbeten në shtëpitë e tyre dhe u kemi prezantuar njerëzve tanë objektet e vendeve të zhvilluara me kuptimin e gjendjes sociale", tha presidenti Erdoğan.
Përveç kësaj, ai tha gjithashtu se rihapja e Xhamisë së Madhe Ayasofya pas 86 vjetësh ishte sfidë për tutelën globale.
Türkiye siguroi kthimin vullnetar të 530 mijë sirianëve
Türkiye ka siguruar kthimin vullnetar të rreth 530,000 njerëzve në zonat e sigurta në Siri, tha të premten presidenti Recep Tayyip Erdoğan.
"Ne kemi siguruar kthimin vullnetar të rreth 530,000 njerëzve në zonat e sigurta që krijuam në Siri”, tha Erdoğan.
Më shumë se 3.7 milionë sirianë banojnë aktualisht në Türkiye, duke e bërë atë vendin më të madh në botë që strehon refugjatët. Pas fillimit të një lufte të përgjakshme civile në Siri, Türkiye miratoi një politikë "të dyerve të hapura" për sirianët që ikin nga persekutimi dhe brutaliteti.
Po ashtu ai shtoi se kanë penguar përpjekjet për të krijuar një korridor terrorist përgjatë kufirit jugor me operacionet e "Mburoja e Eufratit", "Dega e Ullirit", "Kthetra", "Burimi i Paqes" dhe "Mburoja e Pranverës"
Türkiye filloi operacionin Claw-Lock në prill për të shënjestruar strehët e organizatës terroriste PKK në rajonet Metina, Zap dhe Avasin-Basyan të Irakut verior pranë kufirit turk.
Ai u parapri nga operacionet Claw-Tiger dhe Claw-Eagle të nisur në vitin 2020 për të çrrënjosur terroristët që fshiheshin në Irakun verior dhe komplotonin sulme ndërkufitare në Türkiye.
Ndryshe, që nga viti 2016, Ankaraja ka nisur një trio operacionesh të suksesshme anti-terroriste përtej kufirit të saj në veri të Sirisë për të parandaluar formimin e një korridori terrorist dhe për të mundësuar vendosjen paqësore të banorëve: Mburoja e Eufratit (2016), Dega e Ullirit (2018) dhe Burimi i Paqes (2019).
Në fushatën e saj terroriste më shumë se 35-vjeçare kundër Türkiyes, PKK, e listuar si një organizatë terroriste nga Türkiye, ShBA dhe BE, ka qenë përgjegjëse për vdekjen e mbi 40,000 njerëzve, duke përfshirë gra, fëmijë dhe foshnja. YPG është dega siriane e PKK.
