Presidenti turk Recep Tayyip Erdoğan priti të mërkurën ministrin e Jashtëm të administratës së re në Siri, Asaad al-Shaibani, dhe theksoi nevojën për heqjen e sanksioneve ndaj Sirisë, bëri të ditur Drejtoria e Komunikimeve të Türkiyes.
Regjimi i rrëzuar i Asadit ka lënë pas shkatërrime të mëdha dhe Türkiye do t'i mbështesë nevojat urgjente të popullit "vëllazëror" sirian dhe rindërtimin e vendit, tha Erdoğan, duke theksuar se nuk ka vend për organizatat terroriste në të ardhmen e Sirisë, njoftoi Drejtoria në X.
Në takim u diskutua edhe për situatën e fundit në Siri dhe hapat që do të ndërmerren në bazë të ruajtjes së integritetit territorial të vendit.
Ministri i Jashtëm turk Hakan Fidan, ministri i Mbrojtjes i Sirisë Murhaf Abu Qasra dhe shefi i inteligjencës Anas Khattab ishin gjithashtu të pranishëm në takim.
Bashar Assad, lideri i Sirisë për gati 25 vjet, u arratis në Rusi pasi grupet kundër regjimit morën kontrollin e Damaskut më 8 dhjetor, duke i dhënë fund regjimit të Partisë Baath, i cili kishte qenë në pushtet që nga viti 1963.
