Presidenti i Türkiyes, Recep Tayyip Erdoğan, ka deklaruar se vendi i tij është i përkushtuar të shkatërrojë grupin terrorist PKK derisa terroristi i saj i fundit të neutralizohet.
“Organizata terroriste, e cila ka pësuar humbje të mëdha në operacionet që Türkiye ka kryer përgjatë kufijve të saj jugorë, tregoi fytyrën e saj të pistë duke derdhur gjakun e të pafajshmëve me sulmet e saj me mortaja mbi vendbanimet civile në kufijtë tanë”, tha presidenti Erdoğan, duke iu referuar sulmeve terroriste ndërkufitare të javës së kaluar nga terroristët e YPG/PKK-së në Türkiyen jugore.
“Ne përsërisim edhe një herë angazhimin tonë për të shkatërruar grupin terrorist që vrau një djalë 5-vjeçar dhe një mësues 22-vjeçar në rrethin Karkamış në Gaziantep, derisa militanti i tij i fundit të neutralizohet”, tha Erdoğan pas një takimi të kabinetit në Ankara.
Erdoğan gjithashtu tha se vazhdon vendosmëria e Türkiyes për të krijuar një vijë të sigurisë 30 kilometra pranë kufijve të saj, diçka që më parë kërkonte të bënte me bashkëpunimin e ShBA-së dhe Rusisë në kufirin e saj jugor. Zyrtarët turq janë ankuar se Washingtoni dhe Moska nuk arritën t’i mbështesin anët e tyre të marrëveshjes.
“Ne nuk kemi nevojë të marrim leje nga askush derisa ndërmarrim hapa në lidhje me sigurinë e atdheut dhe popullit tonë dhe nuk do të mbajmë përgjegjësi para askujt”, tha presidenti turk.
PKK-ja e listuar si një organizatë terroriste nga Türkiye, Bashkimi Evropian (BE) dhe ShBA-ja, është përgjegjësi për vdekjen e të paktën 40 mijë njerëzve, përfshirë shumë gra, fëmijë dhe foshnje. YPG-ja është dega siriane e PKK-së terroriste.
28 Nën 2022
Erdoğan: Türkiye e përkushtuar të shkatërrojë grupin terrorist PKK
PKK-ja e listuar si një organizatë terroriste nga Türkiye, Bashkimi Evropian (BE) dhe ShBA-ja, është përgjegjësi për vdekjen e të paktën 40 mijë njerëzve, përfshirë shumë gra, fëmijë dhe foshnja.
AA
Lajme të ngjashme
Artikujt në këtë kategori
Universitetet turke në mbështetje të protestave studentore pro Palestinës
Në një deklaratë të përbashkët të 16 universiteteve thuhet se reagimi joproporcional ndaj protestave paqësore të studentëve të universitetit në Shtetet e Bashkuara është një "goditje për të drejtat themelore të njeriut dhe lirinë akademike".
Çfarë tjetër do të donit të dinit?
Popullore