Presidenti turk Recep Tayyip Erdoğan tha të martën se vendi i tij është kandidat për organizimin e samitit të 31-të të klimës të Kombeve të Bashkuara në vitin 2026 (COP31) dhe falënderoi vendet që e mbështetën kandidaturën.
Duke iu drejtuar Konferencës së Kombeve të Bashkuara për Ndryshimet Klimatike (COP29) në Baku, kryeqyteti i Azerbajxhanit, Erdoğan tha se Türkiye po transformon sektorët kyç në përputhje me vizionin e arritjes së emetimeve zero dhe zhvillimit të gjelbër deri në vitin 2053.
Erdoğan njoftoi një rritje të kapacitetit të energjisë së marrë nga termocentralet diellore dhe të erës në Türkiye nga 31.000 në 120.000 megavatë deri në vitin 2035.
Duke vënë në dukje se projekti i Türkiyes me zero mbetje jep forcë në luftën kundër ndryshimeve klimatike, Erdoğan tha se që nga fillimi i tij, avullimi i 5,9 milionë tonë gazeve të dëmshëm është parandaluar.
Duke folur për sulmet e pamëshirshme të Izraelit në Rripin e Gazës, presidenti turk tha se "ata që janë përgjegjës për fatkeqësinë e rëndë humanitare dhe mjedisore në Gaza duhet të mbajnë përgjegjësi para gjykatave ndërkombëtare".
