Presidenti i Türkiyes, Recep Tayyip Erdoğan, zhvilloi një bisedë telefonike me presidentin e Afrikës së Jugut, Cyril Ramaphosa.
Sipas një deklarate nga drejtoria e komunikimeve të presidencës, thuhet se në bisedë u diskutuan sulmet e Izraelit kundrejt Palestinës, marrëdhëniet dypalëshe mes Türkiyes dhe Afrikës së Jugut, si dhe çështjet rajonale dhe globale.
Presidenti Erdoğan në bisedë shprehu kënaqësinë e tij për rastin që Afrika e Jugut ka ngritur kundër Izraelit në Gjykatën Ndërkombëtare të Drejtësisë për dënimin e krimit të gjenocidit të kryer ndaj popullit të shtypur palestinez.
Në bisedën ku u vlerësua procesi i çështjes, Erdoğan theksoi se Türkiye do të tregojë përpjekje maksimale që kjo çështje e drejtë të përfundojë në përputhje me ligjin ndërkombëtar dhe të drejtat e njeriut dhe që Izraeli i cili kryen krim kundër njerëzimit të marrë dënimin që meriton.
