Presidenti turk të dielën u zotua të rindërtojë rajonin jugor të vendit pas tërmeteve të fuqishme muajin e kaluar që morën jetën e më shumë se 50.000 njerëzve. "Qëllimi ynë është të ngremë zonën e tërmetit", tha Recep Tayyip Erdoğan, pas një darke me viktimat e tërmetit në Istanbul, një vakt special për muajin e Ramazanit. Türkiye planifikon të ndërtojë ndërtesa të mjaftueshme brenda një viti për të përmbushur nevojat e viktimave të tërmetit, tha Erdoğan, duke shtuar se 319.000 shtëpi do të ndërtohen në vitin e parë dhe 650.000 në total. Ai ka premtuar edhe shërimin e plagëve të të prekurve nga tërmeti. Më 6 shkurt, tërmete me magnitudë 7,7 dhe 7,6 goditën 11 provinca turke – Adana, Adiyaman, Diyarbakir, Elazig, Hatay, Gaziantep, Kahramanmaraş, Kilis, Malatya, Osmaniye dhe Sanliurfa. Më shumë se 13,5 milionë njerëz në Türkiye janë prekur nga tërmetet, si dhe shumë të tjerë në Sirinë veriore.
26 Mar 2023
Erdoğan zotohet të rindërtojë rajonin jugor të Türkiyes
Vetëm vitin e parë në rajonet e prekura nga tërmetet e 6 shkurtit planifikohen të ndërtohen afërsisht 320 mijë shtëpi
TRT Balkan / agjencitë
Lajme të ngjashme
Fidan: Türkiye e kënaqur me bisedimet për paqe Azerbajxhan-Armeni
"Ne mirëpresim përparimin pozitiv të marrëveshjeve të përhershme të paqes dhe përcaktimit të kufijve midis Azerbajxhanit dhe Armenisë", tha Fidan në një konferencë të përbashkët për media me homologun e tij azerbajxhanas Jeyhun Bayramov në Baku.
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
