Ministri i Jashtëm turk Hakan Fidan ka bërë thirrje për një armëpushim në Gaza dhe për t'i dhënë fund luftës në Ukrainë "në bazë të ligjit ndërkombëtar" teksa priti ministrin e Jashtëm bjellorus Sergei Aleinik.
Sipas informacioneve të marra nga burime diplomatike, kryediplomatët diskutuan marrëdhëniet dypalëshe dhe çështjet rajonale gjatë takimit në kryeqytetin e Türkiyes, Ankara, të martën.
Duke theksuar se Izraeli nuk mund të vendoste sigurinë me dhunë, Fidan tha: "Türkiye nuk mund të heshtë përballë persekutimit dhe dhunës kundër palestinezëve".
Ai i kërkoi komunitetit ndërkombëtar të thyejë heshtjen përballë persekutimit dhe mizorive të kryera në Gaza nga Izraeli.
Fidan shtoi se Türkiye po bën përpjekje intensive për të siguruar një armëpushim të plotë sa më shpejt të jetë e mundur, për të siguruar shpërndarjen e pandërprerë të ndihmave humanitare dhe për të ndërmarrë hapa drejt një paqeje të qëndrueshme.
Përfundimin paqësor të luftës
"Lufta në Ukrainë duhet të përfundojë në bazë të ligjit ndërkombëtar. Türkiye është e gatshme të presë negociatat nëse ka një vullnet midis palëve”, shtoi Fidan.
Ministri i Jashtëm theksoi dëshirën e Türkiyes për një përfundim paqësor të luftës në Ukrainë në bazë të ligjit ndërkombëtar.
Duke iu referuar efekteve negative të zgjatjes së luftës si në nivel rajonal ashtu edhe në atë botëror, Fidan tha se Türkiye do të vazhdojë të bëjë më të mirën për vendosjen e paqes në takimin me homologun e tij bjellorus Aleinik.
Ankaraja dhe Minsku gëzojnë lidhje të favorshme, të karakterizuara nga dialogu konstruktiv midis dy palëve. Türkiye ishte vendi i parë që njohu pavarësinë e Bjellorusisë dhe marrëdhëniet diplomatike u vendosën në vitin 1992.
