Ministri i Jashtëm turk Hakan Fidan dhe homologia e tij meksikane Alicia Barcena Ibarra u takuan në Meksikë për bisedime.
Fidan dhe Barcena diskutuan të hënën mbi çështje politike, ekonomike, të mbrojtjes dhe kulturore. Migrimi, trafikimi i qenieve njerëzore dhe lufta kundër terrorizmit ishin gjithashtu në rendin e ditës, sipas burimeve diplomatike turke.
Ndërkaq, u vlerësua edhe situata në Gaza, lufta e Ukrainës dhe zhvillimet në Amerikën Qendrore.
Ministrat diskutuan hapat që mund të ndërmerren në fusha të tilla, si kultura, akademia dhe rinia për të përmirësuar bashkëpunimin brenda fushës së MIKTA, një grupim i Meksikës, Indonezisë, Koresë së Jugut, Türkiyes dhe Australisë, tregojnë burimet.
Përgjatë takimit u diskutuan gjithashtu përgatitjet për takimin e dytë të Komisionit të Përbashkët Ekonomik Türkiye - Meksikë dhe puna e Agjencisë Turke të Bashkëpunimit dhe Koordinimit (TIKA) në Meksikë në lidhje me asistencën teknike.
Bisedimet diplomatike
Që nga e shtuna, Fidan ka bërë vizita zyrtare në Venezuelë dhe Meksikë për të diskutuar marrëdhëniet dypalëshe si dhe zhvillimet rajonale dhe ndërkombëtare.
Më vete, Fidan takoi edhe Marcela Guerra Castillo, kryetare e Dhomës së Deputetëve.
Marrëdhëniet diplomatike midis Türkiyes dhe Meksikës u vendosën në vitin 1927. Meksika u bë partneri i dytë strategjik i Türkiyes në rajonin e Amerikës Latine dhe Karaibeve në vitin 2013.
