Ministri i Jashtëm turk Hakan Fidan u takua të premten në kryeqytetin Ankara me shefen e politikës së jashtme të BE-së Kaja Kallas.
Kjo shënon vizitën e parë të Kallas në Türkiye që kur ajo mori detyrën dhjetorin e kaluar.
Përpara takimit, Kallas shkroi në X: "Gëzohem që jam sot në Ankara. Pres me padurim diskutime domethënëse me liderët politikë dhe shoqërinë civile për të forcuar lidhjet tona."
Kryetari i Kuvendit të Türkiyes, Numan Kurtulmus, ka pritur Kaja Kallas në Parlament.
Gjatë takimit, Kurtulmus shprehu kënaqësinë që ka pritur Kallas dhe delegacionin e saj në Parlament gjatë vizitës së tyre zyrtare në Türkiye dhe i uroi suksese në detyrën e saj të re.
Kurtulmus, duke u shprehur optimistik për përparim të rëndësishëm në marrëdhëniet Türkiye-BE gjatë mandatit të Kallas, deklaroi se perspektiva e anëtarësimit të Türkiyes në BE mbetet e vërtetë dhe e vendosur.
Ai theksoi gjithashtu se Asambleja e Madhe Kombëtare e Türkiyes mban një qëndrim të qartë dhe të vendosur për çështjen e anëtarësimit të plotë në BE.
