Kapen 18 terroristë të DEASh-it dhe të PKK-së në veri të Sirisë

Ministria e Brendshme e Türkiyes njoftoi se në operacionet në rajonet Jarabulus dhe Al-Bab të Sirisë u kapën 18 terroristë, përfshirë edhe të ashtuquajturin përgjegjës financiar të organizatës terroriste DEASh. Në deklaratën e ministrisë thuhet se punime të inteligjencës u kryen nga elementët e Komandës Këshillimore të Task Forcës Siriane në Jarabulus dhe Al-Bab nën koordinimin dhe ndjekjen e Komandës së Xhandarmërisë së qytetit turk Gaziantep. Në operacionet e kryera më 3 dhjetor në Jarabulus dhe Al-Bab u kapën 13 terroristë të DEASh-it, përfshirë në mesin e tyre edhe të ashtuquajturin përgjegjës financiar të organizatës, të cilët kryenin aktivitete për zgjerimin e bazës, propagandë, sigurimin e elementëve dhe mbledhjen e inteligjencës dhe të cilët në të njëjtën kohë ndodheshin në kërkim për të kryer akte. Në po të njëjtën ditë u arrestuan edhe 5 anëtarë të organizatës terroriste PKK/KCK/PYD/YPG të cilët u përcaktuan se ishin dërguar nga rajoni Munbixh (Manbij) në rajonin Jarabulus për të kryer akte. Në kontrollet e ushtruara në banesat e të dyshuarve u sekuestruan mekanizëm bombe artizanale 10 kilogramë të gatshëm për shpërthim, 4 karta të qarkut elektronik për bomba, pushkë këmbësorie kallashnikov, pistoletë dhe 253 plumba.