Kryeparlamentarja e Shqipërisë uron Presidentin Erdoğan për fitoren në zgjedhje. / Photo: Presidenca Turke

Kryetarja e Kuvendit të Shqipërisë, Lindita Nikolla, ka uruar presidentin turk, Recep Tayyip Erdoğan, për fitoren në zgjedhjet presidenciale.

“Urime Presidentit Recep Tayyip Erdoğan për rizgjedhjen, si një mbështetës i fuqishëm i partneritetit strategjik mes Shqipërisë dhe Türkiyes, i miqësisë mes dy popujve dhe i bashkëpunimit mes vendeve tona", shkruan kryeparlametarja Nikolla, ka njoftuar zyra e shtypit e Kuvendit të Shqipërisë.

Urime Presidentit Recep Tayyip Erdoğan për rizgjedhjen, një mbështetës i partneritetit strategjik mes Shqipërisë dhe Turqisë, i miqësisë mes dy popujve dhe i bashkëpunimit mes vendeve tona! 🇦🇱🤝🇹🇷

Posted by Lindita Nikolla on Sunday, May 28, 2023

Edhe zyrtarë të tjerë të lartë të Shqipërisë kanë përcjellë urimet e tyre për fitoren e Presidentit Erdoğan.

Sipas të dhënave të Këshillit të Lartë Zgjedhor të Türkiyes (YSK), Recep Tayyip Erdoğan është rizgjedhur president i Türkiyes në raundin e dytë të zgjedhjeve presidenciale.


TRT Balkan / agjencitë