Luftanija më e madhe turke "TCG Anadolu", e cila iu dorëzua zyrtarisht Marinës turke javën e kaluar, është ankoruar në portin Sarajburnu e Istanbulit.
Qytetarët kanë shfaqur interesim të madh për luftanijen, e cila sot do të hapet zyrtarisht për vizitorët. Shumë shfrytëzuan rastin për të fotografuar me celularët e tyre luftanijen më të madhe turke.
Në ditët në vijim, deri më 23 prill, qytetarët do të mund të vizitojnë dhe shikojnë anijen “TCG Anadolu”.
Luftanija më e madhe turke "TCG Anadolu" iu dorëzua zyrtarisht Marinës turke më 10 prill. "TCG Anadolu" është anija luftarake e parë në botë në klasin e saj që mund të ulet dhe të heqë helikopterët dhe dronët më të mëdhenj dhe më të rëndë.
Türkiye është një nga 10 vendet që projekton, zhvillon dhe mirëmban anijen e saj luftarake.
Ndërtimi i anijes luftarake “TCG Anadolu” filloi në prill të vitit 2016 dhe përfundoi këtë vit. Rreth 70% e anijes luftarake është ndërtuar me objekte lokale.
Anija TCG Anadolu mund të transferojë njësi me madhësi batalioni në vende të veçanta me mbështetjen e vet logjistike, pa pasur nevojë për mbështetje bazë në shtëpi. E ndërtuar në kantierin detar Sedef të Istanbulit, kjo anije mund të transportojë helikopterë, drone, automjete tokësore, anije të lehta luftarake dhe personel.
Luftanija “TCG Anadolu” është 231 metra e gjatë, 32 metra e gjerë dhe mund të mbajë një ngarkesë prej rreth 27 mijë tonësh.
