Ministri i Jashtëm i sapoemëruar i Türkiyes, Hakan Fidan, mori detyrën e ministrit nga paraardhësi i tij Mevlüt Çavuşoğlu të hënën.
Fidan, i cili ishte shef i Agjencisë Kombëtare të Inteligjencës (MIT) që nga viti 2010, u emërua ministër i Jashtëm nga presidenti Recep Tayyip Erdoğan.
Erdoğan prezantoi të shtunën kabinetin e tij të ri pas ceremonisë së betimit dhe inaugurimit në parlament në kompleksin presidencial në kryeqytetin Ankara.
Ministrat e Jashtëm nga e gjithë bota uruan Fidanin për emërimin e tij.
Fidan, 55-vjeç, u emërua shef i MIT-it nga kryeministri i atëhershëm Erdoğan në maj të vitit 2010. Përpara emërimit të tij në MIT, Fidan punonte në zyrën e Erdoğanit si zëvendësnënsekretar.
Ai është i martuar dhe ka tre fëmijë.
AA
