Presidenti Erdoğan dhe bashkëshortja e tij votuan në Istanbul.     /Foto: AA

Presidenti i Türkiyes Recep Tayyip Erdoğan votoi në Istanbul në raundin e dytë të zgjedhjeve presidenciale.

Presidenti Erdoğan, i shoqëruar nga bashkëshortja e tij Emine Erdoğan, votoi në shkollën "Saffet Çebi" për të votuar.

Erdoğan u mirëprit përzemërsisht nga qytetarët që mbushën sheshin e shkollës, ndërkohë presidenti u prit nga kryetari i Bashkisë Üsküdar, Hilmi Türkmen, kryetari i AK Partisë për Istanbulin, Osman Nuri Kabaktepe, si dhe të interesuar të tjerë.

Votimi filloi në orën 8 të mëngjesit me orën lokale (0500 GMT).

Më shumë se 64,1 milionë njerëz pritet të votojnë në balotazh, duke përfshirë mbi 1,92 milion votues jashtë shtetit që kanë hedhur tashmë votat e tyre dhe 4,9 milionë votues për herë të parë.

Gjithsej 191.885 kuti votimi janë ngritur për votuesit në vend.

Votuesit do të zgjedhin midis Erdoğanit, i cili kërkon rizgjedhjen, dhe kandidatit kryesor të opozitës Kemal Kilicdaroglu.

Votimi jashtë vendit u mbajt deri më 24 maj. Për sa u përket portave të doganave, votuesit do të mund të votojnë deri në mbylljen e qendrave të votimit të vendit në orën 17:00 sipas kohës lokale (1400 GMT) të dielën.

Miliona votues shkuan në kutitë e votimit më 14 maj për të zgjedhur presidentin e vendit dhe anëtarët e parlamentit të tij prej 600 vendesh.

Aleanca e Popullit e Erdoğanit fitoi një shumicë kundër koalicionit gjashtëpartiak opozitar Aleanca e Kombit në parlament.

Mirëpo, gara presidenciale do të vendoset në balotazhin e së dielës pasi asnjë kandidat nuk mundi të marrë 50% të kërkuar në raundin e parë, megjithëse Erdoğan ishte në krye me 49,52%.

TRT Balkan / agjencitë