Türkiye ka qenë gjithmonë një anëtare e përgjegjshme e NATO-s, tha Ministri i Jashtëm i Türkiyes, Mevlüt Çavuşoğlu, gjatë një konferece të përbashkët për media me Sekretarin e Përgjithshëm të NATO-s, Jens Stoltenberg në Istanbul.
"Ne do të vazhdojmë të forcojmë bllokun", theksoi kryediplomati i Türkiyes, Çavuşoğlu.
Sa i përket anëtarësimit në NATO të Suedisë dhe Finlandës, ministri i Jashtëm i Türkiyes theksoi se nuk janë zbatuar të gjitha pjesët e memorandumit të nënshkruar në Samitin e Madridit në qershor.
"Ne duhet t'i tregojmë kombit dhe parlamentit tonë se Suedia dhe Finlanda kanë ndërmarrë hapa konkretë për të adresuar shqetësimet tona", theksoi Çavuşoğlu.
Sekretari i Përgjithshëm i NATO-s Stoltenberg në fjalimin e tij e falënderoi Türkiyen për mbështetjen e saj ndaj Ukrainës, e cila zhvillon mbrojtjen e saj falë Ankarasë.
"Türkiye është një aleat i rëndësishëm i NATO-s dhe jep një kontribut të madh për sigurinë tonë të përbashkët", tha Stoltenberg.
Po ashtu, ai apeloi për anëtarësim të plotë vendeve nordike në NATO.
Korridori i drithërave përmes Detit të Zi gjithashtu ishte temë e konferencës për media në Istanbul.
"Zbatimi i marrëveshjes së grurit tregon një rol të rëndësishëm që Türkiye luan në konfliktin e Ukrainës", tha Stoltenberg dhe shtoi se mbështetja e Ankarasë gjithashtu redukton "disa efekte të luftës brutale".
Ndëriohë, sipas Çavuşoğlut Marrëveshja e eksportit të grurit në Detin e Zi duhet të rinovohet brenda 20 ditësh.
3 Nën 2022
Stoltenberg: Türkiye është një aleat i rëndësishëm i NATO-s
Sa i përket anëtarësimit në NATO të Suedisë dhe Finlandës, ministri i Jashtëm i Türkiyes theksoi se nuk janë zbatuar të gjitha pjesët e memorandumit të nënshkruar në Samitin e Madridit në qershor.
TRT Balkan / agjencitë
Lajme të ngjashme
Artikujt në këtë kategori
Universitetet turke në mbështetje të protestave studentore pro Palestinës
Në një deklaratë të përbashkët të 16 universiteteve thuhet se reagimi joproporcional ndaj protestave paqësore të studentëve të universitetit në Shtetet e Bashkuara është një "goditje për të drejtat themelore të njeriut dhe lirinë akademike".
Çfarë tjetër do të donit të dinit?
Popullore