Mijëra qytetarë morën pjesë në një tubim në Istanbul të dielën në mbështetje të palestinezëve në Gaza dhe për 12 ushtarët e vrarë turq në veri të Irakut.
Demonstruesit bërtisnin parulla kundër organizatës terroriste PKK, YPG, Izraelit dhe Shteteve të Bashkuara të Amerikës (ShBA). Qytetarët e mbledhur mbanin flamuj turq dhe palestinezë.
Organizatorët e protestës dënuan ashpër sulmet izraelite në Gaza si dhe sulmet e organizatës terroriste PKK.
Numri i terroristëve të neutralizuar nga sulmet terroriste të së premtes në Irakun verior është rritur në 30, tha të dielën ministri turk i Mbrojtjes Yasar Guler.
Sulmet ajrore turke kanë shkatërruar dhjetëra objektiva terroristë në Irakun verior dhe Siri, dhe shumë terroristë janë neutralizuar pasi terroristët e PKK-së vranë 12 ushtarë turq në Irakun verior që nga e premtja.
Pas sulmit nga terroristët e PKK në Irakun verior, Türkiye ripohoi vendosmërinë e saj për të luftuar dhe eliminuar terrorizmin në burimin e tij.
Presidenti turk Recep Tayyip Erdoğan premtoi të shtunën se Türkiye do të parandalojë shfaqjen e strukturave terroriste në Irakun verior dhe Siri, pavarësisht kostos.
Terroristët e PKK-së shpesh fshihen në Irakun verior për të planifikuar sulme ndërkufitare në Türkiye.
