Türkiye dënoi miratimin e Izraelit për ndërtimin e rreth 5.700 njësive të reja të vendbanimeve në Bregun Perëndimor të pushtuar.
“Është e qartë se, duke thyer një rekord të ri duke tejkaluar 13.000 njësi që nga fillimi i vitit, vendbanimet ilegale dëmtojnë rëndë terrenin për zgjidhjen me dy shtete dhe perspektivën e paqes së qëndrueshme”, thuhet në komunikatën e Ministrisë së Jashtme të Türkiyes.
Türkiye gjithashtu i bëri thirrje Izraelit që menjëherë t'u japë fund aktiviteteve "krejtësisht të papranueshme" të vendbanimeve në territoret e pushtuara palestineze, "të cilat uzurpojnë të drejtat e popullit palestinez në kundërshtim me ligjin ndërkombëtar".
Ankaraja mbështet fuqimisht një zgjidhje me dy shtete për konfliktin Izrael-Palestinë, duke përfshirë krijimin e një shteti palestinez me Jerusalemin Lindor si kryeqytet.
Vlerësimet tregojnë se rreth 700.000 kolonë izraelitë jetojnë në 164 vendbanime dhe 116 poste në Bregun Perëndimor të pushtuar.
Sipas ligjit ndërkombëtar, të gjitha vendbanimet hebraike në territoret e pushtuara konsiderohen të paligjshme.
