Türkiye po planifikon t'i dorëzojë NATO-s dhe aleatëve të saj regjistrat e radarëve që tregojnë se si sistemi grek i mbrojtjes ajrore S-300 provokoi avionët turq F-16 gjatë misionit në hapësirën ajrore ndërkombëtare, thanë sot burimet.
Avionët turq të angazhuar në misione mbi Detin Egje dhe Mesdheun Lindor u provokuan nga sistemi i mbrojtjes ajrore greke S-300 i prodhuar nga Rusia, i vendosur në ishullin e Kretës më 23 gusht.
Megjithatë, zyrtarët ushtarakë grekë mohojnë aktin, i cili është përshkruar si "armiqësor" sipas Rregullave të Angazhimit të NATO-s.
Ministria e Mbrojtjes Kombëtare të Türkiye-s po përgatitet t'i dërgojë të dhënat e radarit nga incidenti Sekretariatit të Përgjithshëm të NATO-s dhe Ministrive të Mbrojtjes të vendeve anëtare të aleancës.
Türkiye, anëtare e NATO-s për më shumë se 70 vjet, është ankuar për veprimet dhe retorikën e përsëritur provokuese nga Greqia në rajon gjatë muajve të fundit, duke thënë se lëvizje të tilla pengojnë përpjekjet e saj të mirëbesimit për paqe.
Prej fillimit të vitit 2022, avionët luftarakë grekë 256 herë kanë shkelur hapësirën ajrore turke dhe 158 herë kanë provokuar avionët turq.
Anijet e Rojës bregdetare greke kanë shkelur gjithashtu 33 herë ujërat territoriale turke.
31 Gus 2022
Türkiye do t'i dorëzojë NATO-s regjistrat e radarëve për provokimet greke
Avionët turq të angazhuar në misione mbi Detin Egje dhe Mesdheun Lindor u provokuan nga sistemi i mbrojtjes ajrore greke S-300 i prodhuar nga Rusia, i vendosur në ishullin e Kretës më 23 gusht.
AA
Lajme të ngjashme
Artikujt në këtë kategori
Altun: Zgjedhjet lokale të 31 marsit, një pikë kthese për Türkiyen
"Me zgjedhjet e 31 marsit, Türkiye do t'i shtojë një tjetër zgjedhje të suksesshme kulturës së saj demokratike e do t'i përgatisë të gjitha provincat e saj, veçanërisht qytetet si Istanbulin dhe Ankaranë për Shekullin e Türkiyes", tha Fahrettin Altun
Çfarë tjetër do të donit të dinit?
Popullore