Kapadokia, një nga qendrat e rëndësishme turistike të Türkiyes, gjithashtu edhe pjesë e Trashëgimisë Botërore të UNESCO-s, u bë një destinacion i popullarizuar në mbarë botën vitet e fundit, falë koneve të saj të veçantë vullkanikë të njohur si oxhaqet e zanave, qyteteve nëntokësore atmosferike, udhëtimeve me balona, shtëpive të gdhendura në shkëmbinj dhe kishat, strehimoret e përdorura në vitet e para të besimit të krishterë.
Turistët që hyjnë në qytetet nëntokësore kalojnë nëpër tunele duke dëshmuar gjurmët e mijëra viteve të jetës.
Kryetari i qarkut Harun Cekic tha për Anadolu se qytetet nëntokësore japin një kontribut të rëndësishëm në turizmin e Kapadokias.
"Më shumë se gjysmë milioni turistë vizitojnë qytetin nëntokësor të Kaymakli çdo vit," tha ai, duke nënvizuar përpjekjet e tyre për të rritur këtë numër.
Qyteti nëntokësor Kaymakli priti numrin më të madh të vizitorëve ndër të tjera me rreth 560.000 vizitorë.
Këto qytete të ndërtuara nga gdhendja e shkëmbinjve tufa në vitet 3000-3500 p.e.s, të cilat u zgjeruan gjatë periudhës romake dhe bizantine pas hititëve, tërheqin vëmendjen e turistëve vendas dhe të huaj.
