Türkiye është e interesuar në fushat e gazit në det të hapur në Egjipt për të furnizuar hidrokarbure nëpërmjet anijeve të Njësisë Turke të Deponimit dhe Rigazifikimit Lundrues (FSRU), tha sot ministri turk i Energjisë dhe Burimeve Natyrore, Alparslan Bayraktar.
Në një intervistë në Tryezën e Redaktorëve të Anadolus në kryeqytetin Ankara, Bayraktar vuri në dukje normalizimin e marrëdhënieve midis Türkiyes dhe Egjiptit dhe kujtoi se të dyja vendet nënshkruan së fundmi marrëveshje për energjinë.
Javën e kaluar, presidenti egjiptian Abdel Fattah al-Sisi vizitoi kryeqytetin e Türkiyes, Ankaranë.
Bayraktar tha se Türkiye dhe Egjipti mund të bashkëpunojnë për naftën dhe gazin natyror dhe janë duke punuar në projekte.
Ai ftoi gjithashtu vende si Emiratet e Bashkuara Arabe, Arabia Saudite dhe Katari që të investojnë në projekte të energjisë së rinovueshme në vend.
"Ne do të paraqesim projekte më konkrete në lidhje me këto vende", shtoi ai.
