Inteligjenca turke ka konfirmuar vdekjen e kreut të grupit terrorist FETO, Fetullah Gulen, njoftoi të hënën kryediplomati turk Hakan Fidan.
“Burimet tona të inteligjencës konfirmojnë vdekjen e liderit të organizatës FETO”, tha Fidan në një konferencë të përbashkët për shtyp me ministrin e Jashtëm ukrainas Andrii Sybiha në Ankara.
Gulen ka jetuar në shtetin amerikan të Pensilvanisë. Liderët turq kishin kërkuar prej kohësh ekstradimin e tij, por zyrtarët gjyqësorë amerikanë nuk e miratuan atë.
Ai orkestroi grushtin e shtetit të dështuar të 15 korrikut 2016 në Türkiye, ku u vranë 252 njerëz dhe 2.734 të tjerë u plagosën.
Ankaraja akuzon gjithashtu FETO-n se qëndron pas një fushate të gjatë për të përmbysur shtetin përmes infiltrimit në institucionet turke, veçanërisht në ushtri, polici dhe në pushtetin gjyqësor.
"Udhëheqësi i kësaj organizate të errët ka vdekur," tha Fidan, duke shtuar se vendosmëria e Türkiyes për të luftuar terrorizmin nuk do të përfundojë.
"Kjo organizatë ka qenë një pikë qendrore e rrallë kërcënimi në historinë e kombit tonë. Ajo ka mashtruar mijëra të rinj tanë në emër të vlerave të shenjta dhe i ka kthyer në një makinë që tradhton atdheun, kombin dhe vlerat e tyre të shenjta."
Fidan tha se individë të tillë po përdoren nga agjencitë e inteligjencës jashtë vendit si armë kundër vendeve, kombeve dhe vlerave të tyre.
“Me këtë vdekje, magjia mbi ta tani duhet të hiqet dhe i ftoj të braktisin rrugën e pabesë që kanë marrë dhe të ndalojnë së punuari kundër shtetit dhe kombit të tyre”, tha diplomati turk.
"Kjo rrugë nuk është një rrugë e mirë. Fundi i kësaj rruge nuk është fund i mirë. Kombi dhe shteti ynë do të vazhdojnë të luftojnë kundër të gjitha organizatave terroriste, duke përfshirë edhe këtë. Ata duhet të dinë të kthehen mbrapa sa ka ende kohë."
