Türkiye hodhi poshtë të premten (3 mars), një raport të ri të Departamentit të Shtetit të ShBA-së mbi terrorizmin, duke thënë se ai “shtrembëron qëllimisht” luftën e Ankarasë kundër grupit terrorist.
Raporti i Shtetit 2021 mbi Terrorizmin “deformon qëllimisht luftën kundër organizatave terroriste që përbëjnë një kërcënim të drejtpërdrejtë për sigurinë e vendit tonë”, tha në një deklaratë zëdhënësi i Ministrisë së Jashtme turke Tanju Bilgiç.
Përmendja e shtrirjes së SDF-së, që është grupi terrorist i PKK-së në Siri si partner në luftën kundër DAESh-it zbulon se “pasaktësia e përdorimit të një organizate tjetër terroriste në luftën kundër një organizate terroriste nuk është kuptuar nga autoritetet amerikane”, tha Bilgiç.
Ankaraja vazhdon luftën e saj kundër organizatave terroriste PKK, YPG/PYD, DHKP-C, FETO dhe Daesh/ISIS bazuar në ligj dhe kontribuon në mënyrë efektive në përpjekjet ndërkombëtare në këtë fushë, tha ai.
Është e papranueshme të përshkruhet lufta e Ankarasë kundër Organizatës Terroriste Fetullah (FETO) -- grupi që qëndron pas përpjekjes për grushtshtet të 15 korrikut 2016 në Türkiye -- si “të motivuar politikisht” thuhet në raport.
Türkiye pret që ShBA-ja t’i japë fund pranisë dhe aktiviteteve të FETO-s në vendin e saj menjëherë, tha Bilgiç.
Gjithashtu, për pretendimet e tjera në raport, në deklaratë u tha se raporti përfshin pretendime për thashetheme dhe raporte të njëanshme të shtypit dhe ngre dyshime për seriozitetin e tij.
Në këtë deklaratë, Bilgiç u bëri thirrje Shteteve të Bashkuara të tregojnë solidaritet me Ankaranë në përputhje me “shpirtin e aleatëve, për të marrë një qasje parimore, të qëndrueshme, të vendosur dhe efektive në luftën kundër terrorizmit”.
