Forcat turke të sigurisë neutralizuan 32 terroristë të PKK-së në veri të Irakut, tha sot Ministria e Mbrojtjes Kombëtare e Türkiyes.
"Terroristët ishin në shënjestër në rajonet Haftanin, Gara, Hakurk dhe zonat e operacionit 'Kthetra-Dryni'", tha ministria në X.
Ajo shtoi se operacioni kundër terrorizmit do të vazhdojë me vendosmëri "derisa çdo terrorist i vetëm të eliminohet nga rajoni, pa lejuar që organizatat terroriste të rifitojnë fuqinë".
PKK-ja terroriste është e njohur për përdorimin e zonave të Irakut verior, pranë kufirit turk, si një strehë për të planifikuar sulme terroriste.
Autoritetet turke përdorin termin "neutralizim" për të nënkuptuar se terroristët në fjalë janë dorëzuar, vrarë ose janë kapur.
Në fushatën e saj terroriste gati 40-vjeçare kundër Türkiyes, PKK-ja – e listuar si organizatë terroriste nga Türkiye, ShBA-ja dhe BE-ja – ka qenë përgjegjëse për vdekjen e më shumë se 40 mijë njerëzve, përfshirë gra, fëmijë dhe foshnja.
