Forcat e sigurisë “neutralizuan” pesë terroristë që po planifikonin një sulm me bombë në provincën juglindore Diyarbakir të Türkiyes, tha të premten ministri i brendshëm turk.
Autoritetet turke përdorin termin "neutralizoj" për të nënkuptuar se terroristët në fjalë u dorëzuan, ose u vranë, ose u kapën.
Terroristët, të cilët vepronin si korrierë për një grup terrorist, po përgatitnin një sulm me bombë, tha Ali Yerlikaya në X, dikur Twitter.
Në një bastisje, forcat e sigurisë sekuestruan materiale shpërthyese, një kokë raketore dhe multimetër, si dhe armë, shtoi ai.
Përkatësia e terroristëve nuk u specifikua, por dihet se grupi terrorist PKK është aktiv në rajon.
Në fushatën e saj terroriste më shumë se 35-vjeçare kundër Türkiyes, PKK-ja – e listuar si një organizatë terroriste nga Türkiye, ShBA-ja dhe BE-ja – ka qenë përgjegjëse për vdekjen e më shumë se 40.000 njerëzve, duke përfshirë gra, fëmijë dhe foshnja.
