Inteligjenca turke të hënën "neutralizoi" dy terroristë të PKK/KCK-së që po përgatiteshin të sulmonin zonën e operacionit të trupave turke në Irakun verior.
Sipas informacioneve të marra nga burime sigurie, Organizata Kombëtare e Inteligjencës Turke (MIT) vërtetoi se drejtues të lartë të grupit terrorist dhanë urdhër për të shënjestruar zonën e operacionit të forcave të armatosura turke në rajonin e Hakurk.
Urdhrat janë dhënë nga terroristët Vesile Duran me emrin e koduar Ronahi Dilhvin dhe Dilan Oklu me emrin e koduar Arin Tolhildan, të cilët janë në kërkim për krime terroriste.
MIT “neutralizoi” dyshen në një operacion të saktë të kryer në Hakurk, sipas burimeve të sigurisë.
Autoritetet turke përdorin termin "neutralizoj" për të nënkuptuar se terroristët në fjalë u dorëzuan ose u vranë ose kapën.
Duran iu bashkua organizatës terroriste PKK/KCK në vitin 2014, kaloi në Irakun verior në vitin 2015, mori trajnime të armatosura dhe filloi të operojë në rajon.
Oklu, e cila u përfshi në aksionet e armatosura nga grupi terrorist në moshën 15-vjeçare në vitin 2014, ishte motra e Vedat Oklu, i koduar Tolhildan Zevki, një anëtar i PKK/KCK-së i cili u "neutralizua" në vitin 2019.
Terroristët e PKK-së shpesh fshihen në Irakun verior për të komplotuar sulme ndërkufitare në Türkiye.
Në fushatën e saj terroriste më shumë se 35-vjeçare kundër Türkiyes, PKK e listuar si një organizatë terroriste nga Türkiye, SHBA dhe BE ka qenë përgjegjëse për vdekjen e më shumë se 40,000 njerëzve, duke përfshirë gra, fëmijë dhe foshnja.
