Türkiye ka neutralizuar gjashtë terroristë të PKK-së në Irakun verior, ka thënë Ministria e Mbrojtjes Kombëtare e vendit.
Ministria të mërkurën tha se terroristët u zbuluan në zonën e Operacionit Claw-Lock.
Termi "neutralizoj" përdoret zakonisht nga autoritetet turke për t'iu referuar terroristëve të cilët dorëzohen, kapen ose vriten.
Ministria deklaroi gjithashtu se operacionet anti-terroriste të vendit do të vazhdojnë në rajon. Operacioni Claw-Lock filloi në prill të vitit 2022, duke synuar në mënyrë specifike vendstrehimet e PKK-së në rajonet e Metina, Zap dhe Avasin-Basyan të Irakut verior, të vendosura pranë kufirit turk.
PKK-ja, e njohur si një organizatë terroriste nga Türkiye, ShBA-ja dhe BE-ja, ka qenë përgjegjëse për mbi 40.000 viktima, duke përfshirë gra, fëmijë dhe foshnja, gjatë fushatës së saj terroriste më shumë se 35-vjeçare kundër vendit.
