Forcat turke të sigurisë “neutralizuan” katër terroristë të PKK/YPG-së në veri të Irakut dhe veri të Sirisë, pranë kufijve të Türkiyes, tha të martën Ministria e Mbrojtjes Kombëtare e Türkiyes.
Dy nga terroristët u "neutralizuan" në veri të Irakut, nëpërmjet sulmeve ajrore, ndërsa dy të tjerë, të cilët u zbulua se po përgatiteshin për një sulm, u "neutralizuan" në veri të Sirisë.
Autoritetet turke përdorin termin "neutralizoj" për të nënkuptuar se terroristët në fjalë u dorëzuan ose u vranë ose u kapën.
PKK-ja është e njohur për përdorimin e veriut të Irakut, pranë kufirit turk, si një strehë për të planifikuar sulme terroriste kundër Türkiyes.
Në fushatën e saj terroriste 40-vjeçare kundër Türkiyes, PKK-ja, e listuar si një organizatë terroriste nga Türkiye, ShBA-ja dhe BE-ja, ka qenë përgjegjëse për vdekjen e mbi 40.000 njerëzve, duke përfshirë gra, fëmijë, foshnja dhe të moshuar.
PKK/YPG-ja, dega siriane e PKK-së, ka shfrytëzuar trazirat pas Asadit në Siri për të çuar përpara komplotin e saj për një "korridor terrorist" përgjatë kufirit turk. Trupat turke dhe aleatët lokalë po punojnë për të bllokuar këtë kërcënim për kufirin dhe për banorët vendas që jetojnë në veri të Sirisë.
