Türkiye uroi të mërkurën Sekretarin e Përgjithshëm të NATO-s Jens Stoltenberg për zgjatjen e tij të re njëvjeçare të mandatit në krye të Aleancës.
“Ne mirëpresim vendimin e Këshillit të NATO-s për të zgjatur mandatin e Sekretarit të Përgjithshëm të NATO-s Jens Stoltenberg deri më 1 tetor 2024”, thuhet në një komunikatë të Ministrisë së Jashtme turke.
“Ne përgëzojmë Sekretarin e Përgjithshëm Stoltenberg i cili ka shfaqur bashkëpunim të ngushtë dhe solidaritet me vendin tonë gjatë kohës së tij në detyrë”, thuhet në komunikatë.
Ministria tha se që nga marrja e detyrës në vitin 2014, Stoltenberg ka punuar për të ruajtur unitetin dhe solidaritetin e Aleancës mes kërcënimeve dhe sfidave në rritje, përfshirë terrorizmin.
“Ne besojmë se ai do të vazhdojë të portretizojë udhëheqjen e nevojshme.”
Aleatët e NATO-s ranë dakord këtë javë për të zgjatur mandatin e Stoltenbergut si sekretar i përgjithshëm deri në tetor 2024.
Që nga viti 2014, politikani norvegjez Stoltenberg, 64 vjeç, ka shërbyer si sekretari i përgjithshëm i 13-të i Aleancës.
Kjo është zgjatja e katërt e mandatit të tij, i cili ishte caktuar të përfundonte këtë vjeshtë.
Türkiye ka qenë një anëtare e NATO-s për më shumë se 70 vjet dhe krenohet me ushtrinë e dytë më të madhe të Aleancës.
