Türkiye: Presidenti malazez Milatoviq vizitoi Anitkabirin / Photo: AA

Presidenti i Malit të Zi, Jakov Millatoviq, ndodhet për një vizitë zyrtare në Ankara, ku së bashku me delegacionin e tij vizituan kompleksin Anitkabir, mauzoleumin e themeluesit të Republikës së Türkiyes, Mustafa Kemal Ataturk.

Millatoviqi vendosi kurorë me lule dhe nderoi themeluesin e Republikës së Türkiyes me një minutë heshtje dhe më pas nënshkroi librin e përshtypjeve.

“Është një nder i madh për mua të vizitoj Anitkabirin, vendprehjen e përjetshme të Mustafa Kemal Ataturkut, themeluesit dhe liderit vizionar të Republikës së Türkiyes. Duke qëndruar këtu, ne i bëjmë homazhe Ataturkut, parimet moderne dhe përparimet e të cilit vazhdojnë të frymëzojnë jo vetëm turqit, por gjithë botën. Jam thellësisht i prekur nga trashëgimia e tij. Angazhimi i tij i palëkundur ndaj sovranitetit dhe paqes është një fener shprese për të gjitha kombet. Si President i Malit të Zi, unë rikonfirmoj lidhjet e forta të miqësore mes dy vendeve tona. Fryma e respektit të ndërsjellë, bashkëpunimit dhe vizionit të përbashkët do të vazhdojë ta udhëheqë partneritetin tonë në ndërtimin e një të ardhmeje paqësore dhe prosperuese”, tha Millatoviq në fjalimin e tij.

Millatoviq sot në Ankara do të takohet me presidentin turk Recep Tayyip Erdoğan, ndërsa pas takimit do të mbajnë një konferencë të përbashkët për shtyp

AA
Kjo faqe përdor cookies. Duke vazhduar të shfletoni faqen, ju pranoni përdorimin e cookies.Politika e Cookies
Pranoj