Numri i minatorëve që humbën jetën nga shpërthimi në një minierë qymyri në provincën Bartın në Türkiye-n veriore u rrit në 40, njoftoi ministri i Brendshëm i vendit, Süleyman Soylu.
Soylu tha se 11 punëtorë të plagosur janë nën trajtim në spitale.
“Një nga të plagosurit tanë është liruar”, u tha Soylu gazetarëve në rrethin Amasra të provincës Bartın, ku dhjetëra minatorë u bllokuan nën tokë nga ora 18:15 me kohën lokale të premten.
Duke vënë në dukje se 58 nga 110 minatorët janë shpëtuar, ai tha se ka paqartësi për një nga minatorët, duke shtuar se përpjekjet e kërkim-shpëtimit janë duke vazhduar.
Ministri i Energjisë dhe Burimeve Natyrore Fatih Dönmez tha se zjarri që shpërtheu në një galeri pas shpërthimit të minierës është kryesisht nën kontroll.
Presidenti Recep Tayyip Erdoğan po monitoron nga afër situatën, shkroi Presidenca turke në Twitter.
Ai anuloi një udhëtim të planifikuar në provincën lindore Diyarbakır dhe do të udhëtojë sot për në Amasra.
15 Tet 2022
Türkiye, rritet në 40 numri i të vdekurve nga shpërthimi në minierë
58 minatorë janë shpëtuar deri më tani, njoftoi ministri i Brendshëm Süleyman Soylu
AA
Lajme të ngjashme
Fidan: Türkiye e kënaqur me bisedimet për paqe Azerbajxhan-Armeni
"Ne mirëpresim përparimin pozitiv të marrëveshjeve të përhershme të paqes dhe përcaktimit të kufijve midis Azerbajxhanit dhe Armenisë", tha Fidan në një konferencë të përbashkët për media me homologun e tij azerbajxhanas Jeyhun Bayramov në Baku.
Artikujt në këtë kategori
Çfarë tjetër do të donit të dinit?
Popullore
Gjykata Speciale kufizon kontaktet për Thaçin, Veselin dhe Selimin
Ky vendim, siç njofton Gjykata Speciale, vjen si përgjigje ndaj përpjekjeve për të ndërhyrë te dëshmitarët e për të penguar dëshmitë e tyre, dhe kërcënimeve të mëtejshme ndaj integritetit të procesit në çështjen gjyqësore Thaçi dhe të tjerët.
