Të paktën 14 palestinezë u vranë në një sulm ajror izraelit në një shtëpi në kampin e refugjatëve Nuseirat, në Rripin qendror të Gazës, raportuan mediat lokale të martën.
Sipas agjencisë zyrtare palestineze të lajmeve Wafa, avionët luftarakë izraelitë goditën një ndërtesë trekatëshe për familjen Karaja në jug të kampit.
Agjencia citoi burime mjekësore që thanë se sulmi ajror la të paktën 14 palestinezë, përfshirë fëmijë të vrarë, si dhe dhjetëra të tjerë të plagosur.
Avionët luftarakë izraelitë goditën gjithashtu disa zona në të gjithë Rripin e Gazës, duke përfshirë një sulm ajror në qytetin perëndimor të Gazës, ndërsa artileria izraelite bombardoi rëndë zonat në qytetin Beit Lahia dhe kampin e refugjatëve Jabalia në pjesën veriore të enklavës.
Sulmet e Izraelit në Gaza vijojnë prej 8 muajsh, nga ku afro 35.100 palestinezë, shumica prej tyre gra dhe fëmijë, janë vrarë ndërsa mbi 78.800 të tjerë janë plagosur, sipas raporteve te autoriteteve shëndetësore palestineze.
